Dorita

Dorita vive nos Picos d’Europa, nun territoriu nel que la elaboración del quesu Cabrales forma parte de la historia, la economía y la cultura de les comunidaes locales. La so vida ta estrechamente venceyada a esti productu y a los conocimientos necesarios pa ellaboralu.

Dorita acompaña a la so protagonista nel día a día y averase, al traviés d’ella, a una tradición quesera construyida durante xeneraciones. Los espacios, los ritmos de trabayu y los saberes tresmitíos formen parte d’un patrimoniu que sigue dependiendo de les persones que lu practiquen.

El filme construye un retratu íntimu d’una muyer y, al empar, d’una forma de vida venceyada a la montaña asturiana, mostrando la relación ente oficiu, territoriu, memoria y tresmisión.

Directora y guionista. Como guionista trabayó en documentales como El depredador de Sevilla (Netflix), Asesinas (Atresplayer) y Los Borbones: una familia real (Atresplayer), amás de participar en La tierra sin tierra, un retratu audiovisual sobre siete persones refuxaes y la so realidá cotidiana na ciudá de Barcelona.

Ye directora y guionista de Amarillo, rojo, azul, un curtiumetraxe sobre la sinestesia qu’esperiencia la directora d’artes escéniques Ruth Rubio.

Anguaño ta desarrollando Las tres culpas de Jesús, un documental sobre la vida del últimu brigadista internacional, amás d’otros proyectos audiovisuales.

Direición: Lara Morosi
Producción: Kiko Prada
Productora: The Other Side Films S.L.
Distribución: The Other Side Films S.L.