Cierzo y sed, el corazón de Iberia

Direición: Ana Escario Martínez
Duración: 77’
Orixe: Aragón · España
Añu: 2026
Idioma orixinal: castellanu
Productora: Freeman Ideas & Creación Audiovisual S.L.U

SINOPSIS

Ester Vallejo, percusionista y cantautora zaragozana, entama un viaxe pel valle del Ebro, nel corazón de la península ibérica, a la gueta de los raigaños, les tradiciones y les formes de vida que fueron construyendo la identidá d’esti territoriu.

El so percorríu acompaña’l ciclu del añu y atraviesa pueblos, paisaxes y celebraciones: dances, contradances, paloteos, antroxos, fogueres, vendimies y rituales que siguen axuntando a les comunidaes. Pero’l viaxe trespasa’l presente. Ester recupera tamién usos y formes de vida que fueron desapaeciendo: los soníos d’una mina clausurada, la memoria de los llavaderos, el tresporte de madera dende’l Pirinéu pel Ebro, la nueche d’ánimes nel Moncayo, los cantares de bodega o les seguidillas interpretaes nun antiguu fornu.

En Cierzo y sed, el corazón de Iberia, la música ye’l filu que xune territoriu, memoria y emoción. Un viaxe pel espaciu y pel tiempu que busca descubrir cómo les persones siguen tresmitiendo aquello que les venceya a la tierra y cómo, al traviés de la celebración, los soníos y los xestos compartíos, una tradición sigue viva.

DIREICIÓN

Ana Escario Martínez

Ana Escario Martínez ye directora y productora audiovisual con una amplia trayectoria nel documental y na creación de conteníos culturales. Dende principios de los años noventa participó en proyectos cinematográficos y televisivos como documentalista, guionista, directora y productora.

Ente los sos trabayos figuren Tres Serols, Ordesa y Monte Perdido (2003), Entre el cielo y la tierra (2006), Intus (2013), Sol, furgoneta y manta (2015), Royal Blood, the Origins of the Kingdom (2018) y La Roca en el Mar, Aragón el Mediterráneo (2020). Los sos trabayos Alma Mater Museum e Immortal recibieron reconocimientos internacionales nel ámbitu audiovisual.

EQUIPU TÉCNICU

Direición: Ana Escario Martínez
Guión: Javier Jiménez
Producción executiva: Javier Jiménez
Productora: Freeman Ideas & Creación Audiovisual S.L.U.
Direición de fotografía: Sebastián Vanneuville
Diseñu de soníu: Kostis Mitsotakis
Música: Lorenzo Cortés
Direición artística: Adela Moreno
Maquillaxe: Jose Luis Blasco
Vestuario: Nuria Pequerull