Awayu

Direición: Oscar Zemarti
Duración: 7’
Orixe: Perú · Bolivia
Idioma orixinal: español

SINOPSIS

A cientos de quilómetros de la ciudá de Potosí, atravesando los Andes bolivianos, la carretera conviértese en camín hasta llegar a Urmiri-Pampa. Delantre de les cases d’adobe, tres llames pastien ichu; les sos figures repítense nel texíu del awayu que lleva una de les texedores.

Dos muyeres texen a mano nun telar. Colos deos y una wichuña, una ferramienta de güesu, axusten cada nudu con precisión, estiren los filos y van dando forma a los motivos del texíu.

Awayu observa de cerca esti saber artesanal y la relación ente les muyeres, el texíu y el paisaxe andín, convirtiendo cada filu nuna forma de memoria y de tresmisión cultural.

DIREICIÓN

Oscar Zemarti

Oscar Zemarti ye director, guionista y productor cinematográficu nacíu en Lima y establecíu en Helsinki. Cuenta con más de diez años d’esperiencia en producción cinematográfica, publicidá, edición de videu y fotografía, y más de quince años de trayectoria na escritura de guiones, creación lliteraria y lliteratura. El so trabayu desarróllase ente América Llatina y Europa, con especial atención a les collaboraciones interculturales y les coproducciones.

Tien un máster en Coordinación de Posproducción pola ECAM — Escuela de Cinematografía y del Audiovisual de Madrid y realizó estudios especializaos de producción cinematográfica na EICTV de San Antonio de los Baños, Cuba. La so formación complétase con estudios de distribución cinematográfica, fotografía, guión, color y producción musical en Colombia y Perú..

EQUIPU TÉCNICU

Direición: Oscar Zemarti
Música orixinal: Franco Rossi