Abata
Direición: Aner Etxebarria · Pablo Vidal
Duración: 24’
Orixe: Euskadi · Navarra · España
Añu: 2025
Idioma orixinal: euskera
Productora: Carapiru Studios
SINOPSIS
En 1955, Orson Welles quedó fascináu por una singular forma de cazar palombes con paletes de madera y redes, y recoyó esta tradición nel so documental The Land of the Basques.
Güei, dende una borda na frontera ente Navarra y Francia, Gerardo Damboriena, veteranu palomberu, revela n’euskera los secretos d’una tradición con más de 700 años d’historia que s’atopa en riesgu de desapaición.
Abata acompaña a Gerardo, representante d’una de les últimes xeneraciones de cazadores de palombes del valle d’Etxalar, mentanto recuerda a los sos maestros, fala del amor por esta práctica ancestral y reflexona sobre’l sentimientu de pertenencia a una cultura que se va esvaneciendo.
Un diálogu ente pasáu y presente, ente la voz de Gerardo Damboriena y la d’Orson Welles, onde l’inglés acaba aprendiendo del euskera. Un retratu íntimu sobre la tresmisión de los saberes tradicionales y la fraxilidá del patrimoniu cultural..
DIREICIÓN
Aner Etxebarria
Aner Etxebarria ye cineasta y productor audiovisual vascu, especializáu nel documental, la antropología visual y la conservación de la naturaleza. La so trayectoria llevólu a trabayar en más de veinte países de los cinco continentes, documentando les rellaciones ente les comunidaes humanes, les sos tradiciones y los territorios qu’habiten.
Ente los sos trabayos destaquen Baskavigin: La matanza de los balleneros vascos (2016), documental sobre la historia de los balleneros vascos; Bayandalai, Lord of the Taiga (2018), realizáu xunto a Pablo Vidal y centráu na vida d’un pastor de renos de Mongolia; y Voces de la Tierra (2021), un proyectu audiovisual venceyáu a la defensa del patrimoniu natural y cultural.
La so obra caracterízase pol interés nos saberes ancestrales, les cultures tradicionales y la rellación ente les persones y la naturaleza.
Pablo Vidal
Pablo Vidal ye director, guionista y productor audiovisual, con una trayectoria de más de veinte años nel cine documental y la producción cinematográfica.
En 2010 codirixó El problema: testimonio del pueblo saharaui, documental centráu na situación del Sáhara Occidental. Posteriormente collaboró con Aner Etxebarria en Bayandalai, Lord of the Taiga (2018), un retratu de la vida y les tradiciones del pueblu dukha de Mongolia, y en Voces de la Tierra (2021).
Tamién participó na producción de 20.000 especies de abejas (2023), de Estibaliz Urresola Solaguren, una de les producciones más reconocíes del cine vascu reciente.
En Abata, Aner Etxebarria y Pablo Vidal vuelven collaborar pa documentar una tradición singular del valle d’Etxalar, combinando la observación etnográfica, la memoria oral y el diálogu ente les imáxenes del pasáu y del presente.
SELECCIONES DESTACAES
- Tabaca Film Fest · 2026
- Festival Internacional de Curtmetratges de Vila-seca (FICVI) · 2026
- Cardós Film Fest · 2026
- Ulju Mountain Film Festival (Corea del Sur) · 2026
EQUIPU TÉCNICU
Direición: Aner Etxebarria · Pablo Vidal
Guión: Aner Etxebarria · Pablo Vidal
Producción: Ana Angulo Umaran · Itxaso Frau Terradillos · Maitane Carballo
Productora: Carapiru Studios
Direición de fotografía: Aner Etxebarria · Rubén Crespo
Cámara: Fernando Asensio · Ander Olaizola
Música: Asier Rentería
Montaxe: Maitane Carballo
Protagonista: Gerardo Damboriena
