Ξερό Κλαρί · Dry Wood

Direición: Odysseas Kotsinis
Duración: 17’
Orixe: Épiro · Grecia
Añu: 2026
Idioma orixinal: griegu
Producción: Odysseas Kotsinis
Ópera prima

SINOPSIS

Grigoris Kapsalis, maestru del clarinete de 96 años, ye l’últimu músicu vivu d’una xeneración que marcó profundamente la música tradicional del Épiro. Durante décades, la so música formó parte inseparable de les fiestes populares de los pueblos de la rexón.

Nesti últimu alcuentru na so casa, Kapsalis comparte fragmentos y recuerdos d’una vida dedicada a la música, mentanto na plaza del pueblu empiecen los preparativos pa la celebración anual. El contraste ente la intimidá del vieyu músicu y una comunidá que se prepara pa volver celebrar convierte’l filme nun retratu sobre la memoria, la tresmisión y la continuidá d’una tradición.

Kapsalis morrió pocos meses dempués de rematar el rodaxe. Les imáxenes de Dry Wood convirtiéronse asina nel últimu testimoniu cinematográficu de la so presencia, la so perseverancia y la vitalidá d’un músicu que dedicó la vida a una tradición que sigue sonando más allá d’él.

DIREICIÓN

Odysseas Kotsinis

Odysseas Kotsinis ye un cineasta griegu nacíu en 2005 y venceyáu a Ioánina. Vive en Tesalónica, onde estudia Cine nel Departamentu de Cine de la Facultá de Belles Artes de la Universidá Aristóteles de Tesalónica.

Amás del so trabayu cinematográficu, escribe sobre cine y participa activamente na comunidá cinematográfica. Tamién collaboró en producciones documentales como cámara adicional. Dry Wood ye la so ópera prima como director, un retratu construyíu a partir del alcuentru col músicu Grigoris Kapsalis y de la voluntá de rexistrar non solo al intérprete, sinón tamién la so presencia humana.

EQUIPU TÉCNICU

Direición y producción: Odysseas Kotsinis
Direición de producción: Marios Papageorgiou
Direición de fotografía: Lefteris Pasalidis
Soníu: Simos Lazaridis
Montaxe: Apostolos Karoulas
Color: Pavlos Lygouris